Back in town..

No er vi tilbake på plass her i Shanghai. Reisa gjekk fint og det var godt å komme tilbake, litt bedre temperatur her enn heime i Norge.

I helga var det Culture Craft Fair på SCIS. Den dagen er det dei ulike landa som lagar til ulike "crafts". Borna får utdelt eit pass som dei får stempel i etter at dei har vor einnom eit land. Norge, Sverige og Finland samarbeidde i år og temaet på rommet vårt var "the sami people". Der kunne borna lage steintroll, lage samefigurar og snøballar. Det var veldig kjekt!

Etter at vi var ferdige på skulen, var eg på Shanghai Literary Festival og hørte på Åsne Seierstad fortelle om bøkene sine. Ho var veldig flink, skal prøve å få tak i den nye boka hennar og få sendt den hit snarast!

Tore Johan og Sindre var i Suzhou på svømmekonkuranse. Litt vanskeligare no, sidan TJ har gått opp ei klasse sidan han no er ni år. men kjekt var det!

På søndag var vi på museum, byplanleggingsmuseum. Det var artig å sjå planane dei hadde for byen og ikkje minst korleis expo området vert. Gler oss veldig til expo! Lunsjen inntok vi på kinesisk restaurant og "bank i bordet" alle likte maten og det var veldig kjekt! (Det er ikkje alltid like lett å få dei små til ete noko anna enn hamburger og pizza..)

No er det mandag og kvardag igjen. Trur det vert ei kjekk veke, om ei lita stund skal eg spele Mahjong. Har laga kake sidan det er ei som har bursdag. I morgon skal eg på kokekurs og torsdag er det fotokurs igjen. Gjeld å halde seg i aktivitet slik at ein slepp å sakne dei heime! For litt rart er det å komme tilbake, trøsta er at det ikkje er lenge til sommaren!

Vinterferie!

Er heime i Norge ein tur, supergodt å vere heime!

Kosar oss med god mat, venner og familie og ikkje minst naturen og snøven som ligg so fint no! Om ei veke er det retur og då skal eg legge inn litt bilder.

I morgon skal vi feire Olav som vert to år - stor gut!

...bursdag!

I dag var det min tur til å feire og det skulle etter min plan gå stille og roleg for seg.. Sindre er i Hangzhou og storetrolla på skulen. Eg tenkte eg skulle vere effektiv og handle på morgonkvisten slik at vi var klar for besøk av Helene og Sigve midt på dag.

Slik vart det ikkje! Tidleg i dag fekk eg besøk av ein flokk med kjekke damer og eit par søte små. Dei hadde baka kake og hadde med blomster! Synge kunne dei også! Veldig kjekk start på dagen!

No i kveld har eg vore så heldig å verte påspandert massaje i ikkje mindre enn to - TO - timar! Vi kosa oss veldig eg og Marianne! Einaste som mangla var ei seng å slenge seg i etterpå, vert så sigen og trøtt. Men eg får finne mi eiga seng no, i morgon er det nok ein dag i eit nytt tiår for meg og det er vel ikkje verst?

Regn og vatn er kjekt!

I dag regnar det ute og det likte Olav! På med regnkle og ut for å hoppe i søylene. Reknar med det vert nok slike dagar når vi kjem heim, men her er det ikkje så ofte at regnkleda er i bruk.

No ligg veslegut å søv, eg bakar litt rundstykke og ventar på kaffebesøk som kjem i ettermiddag. Det vert kjekt! I morgon er det den store dagen, då vert eg tredve år! Då kjem Helene og Sigve ein tur - det vert nok meir kaffe og kanskje litt kake då!

Lyst på..

Fantastisk fine ting & tang finn ein på www.isak.co.uk

Likte veldig godt desse koppane! Mønsteret minner meg om noko frå barndomen - eg er ikkje sikker kva. Trur det er nokre koppar som mor hadde?

Tips til dei med små søte trulter - fine barnekle var der også!

.

ordning & reda

I kveld skal eg leite etter passande stoff, super ide frå mønsterarkivet!

Bedre og bedre dag for dag..!

Tore Johan er i bedre form i dag, håpar på at det vert skule i morgon - iallefall onsdag! Det er kjedeleg å vere heime så lenge. I helga fekk han mange flotte brev frå klassekameratane heime, kjempekjekt!

Her sitt han og skriv svarbrev - vi skal prøve å få det avgårde i dag slik at det er framme før vi kjem heim i februar. Det er ikkje mange vekene igjen no, berre tre veker så sitt vi på flyet heim. Vi gler oss masse!

Skøyting!

Vi har oppdaga ei fin skøytebane berre 10 min frå der vi bur. No har vi vore der nokre gongar og det er kjempekjekt! Nesten like kjekt som heime når det frys på i Sundgotmarka... Fordelen her er at vi kan bruke bana heile året - isen er trygg i både varme og kuldegrader! Ser føre meg at det vert litt rart å skøyte når det nærmar seg sommaren, kjekkare å finne på andre ting då!

No er det lørdagsmorgen her, Andrea og eg skal snart gjere oss klare til å besøke TJ som er på sjukehuset. Han opererte vekk ei cyste i halsen i går. Det gjekk heilt fint, men reknar med at det vert litt låkt i tida framover. Sindre var hos han natta som var, i natt er det min tur. Olav skal få vere heime med Cindy, så skal vi på sjukebesøk. Skal stoppe på ToysRus og sjå om eg finn noke lite trøst til han der..

What a day!

I dag har vore litt av ein dag for heile gjengen!

Tore Johan og Andrea har hatt første dag på skulen etter ferien i dag. Kjekt, men litt travelt å stå opp tidleg for å skynde seg ut døra. Det er iskaldt ute, så etter masse formaningar om ull og atter ull kom dei seg på bussen - glade og spente for nytt semster.

Eg har vore byen rundt i dag. Først tok eg turen til skomakaren "min", han lagar støvlettar som eg synest vert kjempefine! Det er alltid artig å skulle forklare korleis ein vil ha det på kinesisk. Merkar at eg ikkje har det heilt store ordforrådet, men eg satsar på at kommunikasjonen held slik at resultatet vert bra. Etter skomakaren var eg verkeleg i siget og kjørte ned til Lujiabang Lu: South Bund Soft Spinning Market. Fekk bestillt meg ei kåpe, ei litt meir vårjakke, eit skjørt og ein kjole! Skikkeleg i siget! Vel heime tenkte eg at no er det berre å nytte den positive energien til noko nyttig så eg skifta og la i veg til treningsrommet og kva skjer.. ...i iveren sleng eg litt for mykje med armane og iphonen min flyg grasiøst i lufta ei stund før han landar HARDT i bakken og dør. Ikkje særleg bra! Ny skal kjøpast sporenstreks på utførsel neste gong vi er i Norge.

For Olav og Sindre har vel dette vore ein dag som alle andre dagane - lucky ones!

Bildet er frå meir lykkeligare stunder . Eg gler meg til vårsola skal begynne å varme, då skal eg vere flink å reise ut med kameraet og nyte denne herlege byen!

Ny server - nytt liv i bloggen?

Endeleg har min kjære ordna det slik at eg har god tilgang til blogspot igjen!

No kan eg laste opp bilde igjen og eg gler meg til å legge ut litt frå kvardagen vår her i Kinaland!

Legg ved eit bilde av minstemann. Her kosar han seg på ferie i Thailand i jul/nyttår.
Ey skikkeleg hærleg bilde av ein skikkeleg hærleg gut!